Khwaja Garib Nawaz Khadims Ajmer Sharif Dargah | Legacy of Love

Khwaja Garib Nawaz Khadims Ajmer Sharif Dargah

Khadims of Khwaja Garib Nawaz (R.A.), jiska literal meaning hai “one who serves,” yaani Khadim of Khwaja Gharib Nawaz Ajmer Sharif, ek Morusi caretaker hain, key holders nasal dar nasal se aur khidmat bilkul waise hi jaise ek bachha apne Waalid ki khidmat karta hai.

Isi tarah Khadims of Khwaja Gareeb Nawaz pichle 850 saalon se khidmat karte aa rahe hain. Aur Khadims of Ajmer Sharif Dargah ko Astana Sharif ki custody ka haq haasilhai, inke alwa koi aur dusra khidmat e astana aqdas nahi karsakta. bilkul waise hi jaise Kaaba Sharif ki custody ek khaas family ko time immemorial se di gayi hai aur Fateh-e-Makkah ke baad bhi wahi family ke paas rahi.

Huzur Nabi Kareem (S.A.W.) ne Kaaba ki key apne haath me li aur phir Hazrat Usman bin Talah, jo Usi clan ke head the, unhe wapas de di aur farmaya ke yeh key (Kaleed) qayamat tak tumhare khandaan me rahegi, aur jo bhi yeh key tumse cheenne ki koshish karega, woh zaalim hoga.

Ajmer Sharif Dargah Khadims

Saudi Arabia ke King ko is baat par fakhr hota hai ke woh apne aap ko Khadim Al Harmain Sharifain kehte hain, aur (Alhamdulillah) Dargah Gharib Nawaz (R.A.) ke Khadim ko Kaleed Bardar kaha jata hai. Astana ki keys hamesha se Ajmer Sharif ke Khadims ke paas rahi hain.

Khadeems of Khwaja Garib Nawaz Moruse Ala Khwaja Syed Fakhruddin Gardezi Chishti, jo Khwaja Gharib Nawaz ke pir bhai aur nasabee bhai the. Khalifa aur Khadim bhi khaas thay, aur unke bachche bhi Khadim of Ajmer Sharif rahe. Yeh faisla Rajasthan High Court Ajmer Suba ka hai, jo baad me Rajasthan me include kiya gaya.

"Khadims" ka relation Shrine ke saath sirf qadeemi hi nahi balki bohut hi qareebi hai. AIR 1959:

Rajasthan High Court, P-177 = Rajasthan Law Weekly P-503

Tarjuma: Khuddam ka taluq Aastana-e-Aqdas se sirf qadeemi hi nahi, balki qareebi bhi hai.

Khwaja Garib Nawaz Khadims

Khadim of Khawaja Gareeb Nawaz (R.A.) ko Sahebzada, Gaddi Nasheen, Syed Sahab, Shah Sahab, Maulim, Mujavir, Bapu, Pir Sahib ke naam se bhi pukara jata hai. Kashmir ke log inhe Rishis bhi kehte hain — lekin Shrine ke khuddam apne aap ko Khadime Khwaja , Khak Nasheen aur Jaroob Kash kehne me fakhr mehsoos karte hain.

हरके खिदमत करद व मखदूम शुद 

Hrke khidmat krd wa makhdoom shud'h

Haqeeqat yeh hai ke Astane-Aqdas me jo rituals subah-shaam, barah mahine kiye jate hain, un sab ke rights sirf syed ajmer sharif khadim of Khwaja Gareeb Nawaz R.A ke paas hain, aur ye sab apni nasli zimmedari ke taur par ada karte aaye hain.

Khadim of Khwaaja Gharib Nawaz (R.A.) ko hi access hota hai, aur unhi ke zariye pilgrims phool chadar niyaz langar , attar aur nazro-niyaz Mazar-e-Aqdas par pesh karte hain. Akbari aur Jahangiri zamanay ki Degs bhi isi silsile me pesh ki jati thi.

Qanooni tor pe Khadims of Khwaja Gharib Nawaz R.A hi Mustahk hain, aur saal bhar Rooba Roo Astana Aaliya Ahta-e-Noor me jitne bhi Mazhabi ruhani programmes, Mehfil aur Digar Ijtima hotay hain, woh sab Khuddam Hazrat aur Anjuman Syed Zadgan ki taraf se munaqeed kiye jaate hai kiye jate hain. Bade langar hotay hain, aur Niyaz Zaireen, Gurba, Fukra, Masakeen — sab me taqseem hoti hai.

Isliye har beta apne baap ki khidmat karta hai, har student apne master ki, har follower apne peer ki, aur har wafadar banda us buzurg ki khidmat karta hai jisse woh mohabbat aur aqeedat yaqeen rakhta hai.

Isi wajah se har beta apne baap ka khadim hai, har shagirid apne ustad ka, har murid apne peer ka, aur har mureed ke mureed ka (Jawab Nama Safa 139).

خود حضرت خواجہ بزرگ غریب نواز کا یہ ارشاد ، سیر الاولیا میں مرقوم ہے

 khud hazrat khwaja buzurg Hazrat Syedna Khwaja ghareeb nawaz (R.A.) ka yeh irshaad “Seir-ul-Auliya” me marqoom hai.

Unhone farmaya:

20 saal mulazim-e-khidmat raha is tarah ke ek ghadi ke liye bhi aaram na kiya, aur safar o hazar me bhi Hazrat ka bistar mai hi uthata tha.

Yaani: Main 20 saal tak apne Piro-Murshid ki is tarah khidmat me raha ke ek pal ke liye bhi araam nahi kiya, aur safar-o-hazar me unka bistar uthata tha.

Jawab Nama, Safa 140, Urdu tarjuma “Seir-ul-Auliya” — Dr. Abdul Latif, Delhi 1990.

Huzur Syedna Khwaja Gharib Nawaz (R.A.) ne apne Khadim-e-Khas Hazrat Khwaja Syed Fakhruddin Gardezi Chishti (R.A.) ke bare me aksar farmaya karte thai:

(Fakhre Ma Fakhruddin Ast) Yaani: Hume Fakhruddin par fakhr hai.

Gulzare Abrar me bhi Hazrat Khwaja Syed Fakhruddin Gardezi Chishti — Khuddam-e-Khwaja ke Moruse-Aala — ke bare me yeh alfaaz likhe hain:

Dar khidmat gaari wa paristari-e-Peer paaya bandagi dasht. Yaani: Apne Peer ki khidmat aur paristari me bandagi ka buland darja hasil tha.

Hadrat Khwaja Syedna Fakhruddin Gardezi Chishti (R.A.) ne apni poori zindagi Hadrat Syedna Khwaja Gareeb Nawaz (R.A.) ki khidmat me guzaari. Woh mazar aqdas ke qareeb rehte, wahan hi sote, aur aakhri dum tak khidmat karte rahe. Unke baad unki aulaad ne bhi isi khidmat ko apni izzat aur virasat samajh kar jaari rakha — aur yeh silsila aaj tak chalta aa raha hai.

Khadims of Khwaja Gharib NawazHazrat Khwaja Fakhruddin Gardezi (R.A.)

Hazrat Khwaja Syed Fakhruddin Gurdezi ek Hussaini Syed the. 93 saal ki umr me, 26 Rajab 637 Hijri ko unka inteqal hua, aur unhe andar Astana Sharif me hi sarkar garib nawaz ke bilkul kareeb rakha gaya inka mazar andar hi hai.

Present Khadims, Hazrat Khwaja Syed Fakhruddin Gurdezi ki nasl se hain, jo ek community ke taur par ek saath rehte hain. Unke dada Khwaja Gharib Nawaz (R.A.) ke saath Ajmer aaye, unki khidmat ki aur unke saath rahe. Unki roohani quwwat aur jazba itna gehra tha ke hazaron log unpar fida hue aur unki khidmat me lag gaye.

Khadims Ajmer Sharif me abad huye, aur apne ghar Roza Mubarak ke qareeb banaye, taake roohani rishta hamesha qaim rahe. Sadiyon tak Khadims ne zairin ki rehnumai ki, unhe rituals aur salaam pesh karwane me madad ki, aur jo Nazar pesh hoti thi, ussi se pura nizam chalta hai nazro niyaz sab cheez ka 365 days.

Khadim community ke head, Hazrat Khwaja Syed Osman Harooni Chishti ke disciple rahe.

Hazrat Khwaja Gareeb Nawaz ke Peer-o-Murshid se rishta hona fakhr aur izzat ki baat hai. Is community ka historical background qanooni taur par sabit hai.

Astana Sharif of Khwaja Garib Nawaz hamesha se Hazrat Khwaja Syed Fakhruddin Gardezi ke custody me raha — jo is baat ka saboot hai ke woh asal me shrine ke sachche custodians hain. Shrine ke tamām religious ceremonies bhi unhi ke zariye ada hoti rahi.

Hazrat Khwaja Syed Fakhruddin Gurdezi — community ke chief — ne Ajmer me Khwaja Garib Nawaz ki ghair haazri ke dauran bhi aham kirdar ada kiya, aur unke baad bhi.

Unka Mazar aur unki wife ka Mazar Tosha Khana me, Begami Dalaan ke qareeb hai, jiska darwaza Roza Mubarak ke andar khulta hai. Woh Peer Bhai aur Murid dono the.

Unki nasl ke log Khadim Syed Zadgan kehlate hain, jinko Gumbad Sharif ke andar rituals aur services ada karne ka haq hai. Gumbad aur Mazar ke tamam asbaab unki custody me hote hain.

Woh rituals ada karte hain — phool aur chadar bichhana mazar aqdas mai, Sandal Sharif pesh karna, zairin ko salaam karwana, purane covers utar kar naye lagana, etc. Hazrat Khwaja Syed Fakhruddin Gurdezi (R.A.) ka Urs har saal 25 aur 26 Rajab ko manaya jata hai.

Har zairin ko chahiye ke Ajmer Sharif Dargah contact number +918529671277 save kare, ya official rehnumai ke liye Contact Ajmer Sharif par visit kare.

Ajmer Sharif ek aisi roohani jagah hai jahan aane wala har zairin sukoon, barkat aur rehmat ka ehsaas lekar wapas laut ta hai. Khwaja Garib Nawaz (R.A.) ke darbar ki fazilat sirf Ajmer tak simit nahi, balki poori duniya ke logon ke dil se judi hui hai. Jo log yahan aate hain, woh darshan aur ziyarat ke waqt dil se dua karte hain, aur roohani atmosphere unke iman ko mazboot banata hai. Bahut se log aaj kal door reh kar bhi apni arzoo pesh karte hain, isi liye log ajmer sharif chadar online ke zariye chadar aur phool pesh karwate hain, taaki unki niyat Khwaja Sahib ki bargah tak pohanch sake.

Dargah ke andar rozana ibadat, dua aur ziyarat ke saath saath barkat bhare langar aur deg ki riwayat bhi chalti hai. Bade moqe par jo deg tayyar hoti hai, use log ajmer sharif dargah badi deg ke naam se jaante hain. Yeh sirf khana nahi hota, balki shukr, mohabbat aur taqdeer ki barkat ka nishan samjha jata hai. Yahan par har insaan barabari ke saath baitha hota hai — chahe gareeb ho ya ameer — sabko ek jaisa khana aur izzat milti hai.

Jo log Ajmer Sharif nahi aa pate lekin roohani manzar dekhna chahte hain, woh online ziyarat ko dekh kar apne dil ko tasalli dete hain. Bohot se log ajmer sharif video ke zariye Dargah Sharif ka mahal mehsoos karte hain — jahan dua ki awaaz, qawwali ki lay aur roohani sakoon dil ko chu jaata hai. Khwaja Sahib ka paigham sada se ek hi raha hai — insaniyat, pyaar aur khidmat.

Har saal duniya bhar ke log khwaja garib nawaz urs ke moqe par Ajmer aate hain. Urs Sirf ek event nahi, balki ek roohani yaadgar lamha hota hai jahan log apni duaon ke saath apna jazba pesh karte hain. Jo log wahan maujood nahi ho pate, wo apni niyat aur sahyog ke liye kabhi-kabhi khwaja garib nawaz online donation bhi karte hain, taaki khidmat-e-Astana aur mehmaan-nawazi ke kaam hamesha barkat ke saath jaari rahein.

Ajmer Sharif ka yeh safar sirf ziyarat tak seemit nahi — yeh ek ehsaas hai, ek jazba hai, ek aisi roohani dastaan jo dil ko Allah ke kareeb kar deti hai. Yahan aane wala har mehmaan ek hi dafa nahi, balki baar-baar yahan laut kar aana chahta hai — kyunki Khwaja Garib Nawaz ke darbar ka noor dil ko hamesha zinda rakhta hai.